BULEGO + BERTO

Sábado 3 Decembro/ SALA REBULLÓN / Ás 21:30H / Anticipada: 12€ Billeteira: 15€

Venta de Entradas aquí

Non si ? Teatro – «A Tempestade»

Versión de Mónica Sueiro

Entradas a venda na Cantina As Pedriñas e en reservasrebullon@gmail.com

SINOPSE

Próspera, antiga duquesa de Milán, planea vingarse do seu irmán Antonio, quen conspirou para expulsala do ducado e ocupar o seu lugar. Próspera e a súa filla Miranda son abandonadas nun bote vello e chegan a unha illa na que viven durante doce anos. Próspera aproveita para, cos seus coñecementos de maxia e coa axuda do espírito Ariel, argallar unha vinganza que vai facer que a embarcación na que viaxan o seu irmán Antonio, a raíña Adriana, xunto coa súa irmá Sabina e o seu fillo Fernando, sexa sorprendida por unha tormenta que vai facer que naufraguen na illa e propicie o encontro entre Próspera e Antonio. Para executar o seu plan,

Próspera válese da axuda de Ariel a quen lle prometeu a liberdade a cambio de colaborar no seu proxecto. A traizón, a vinganza, a crueldade, as conspiracións, a ansia de poder, son algúns dos temas da obra. Sen embargo, Shakespeare

deixaa unha porta aberta á esperanza, á reconciliación, ao perdón e ao amor. Convidámosvos a soñar porque «Estamos feitas e feitos da mesma materia que os soños e a nosa pequena vida péchase como un soño«. E, non é o teatro unha ilusión que nos permite soñar?

TRAXECTORIA

En novembro de 2006 Mónica Sueiro crea a Aula de Teatro de Baiona, que durante dous anos pertence á Escola Municipal de Música de Baiona. Do curso de Interpretación nace Non si? Teatro para que o alumnado traballe e represente unha obra na que poida mostrar o que aprende ao longo do curso. En 2008 comeza a súa nova andaina no auditorio V Centenario, en colaboración coa Concellaría de Cultura de Baiona, dende entón hai dous niveis:

1. Iniciación

2. Non Si? Teatro (Avanzado).

O obradoiro de Iniciación vai dirixido a todas aquelas persoas que ademáis de

estar interesadas no teatro, tamén queren mellorar e aprender técnicas para

avanzar na súa vida persoal e laboral. O que chamariamos «Teatro para a vida».

Non Si? Teatro é o grupo avanzado de interpretación, no que cada ano se

traballan técnicas de creación escénica enfocadas a unha determinada montaxe

teatral.