ZETAK + O RABELO

Venres 11 de Novembro / SALA REBULLON / Ás 22 H / Prezo Único: 8€ 

Zetak

Todo isto pasará. E o que aprendamos diso durará por sempre… e será moi belo. Este é a mensaxe do novo disco de ZETAK, “Zeinen Ederra Izango Dean” (Oso Polita/Panda, 04/12/2020), dispoñible en plataformas dixitais e en formato CD. Tal como sinala o músico vasco Pello Reparaz, as cancións e vídeos que conforman este disco “perténcennos a todas/os”, pois o proceso de creación de “Zeinen Ederra Izango Dean” (ZEID) foi moi colaborativo. “Neste traballo participaron a miña avoa, a miña nai, o meu primo, os amigos de toda a vida, o meu pai, os meus tíos, o meu crew, a miña irmá, a miña sobriña, a miña curmá, o meu avó… Nos nosos videoclips vexo centos de persoas e sinto que este disco é de TODAS/VOS”, sinala

Reparaz. Asegura que “ZEID” é o reflexo dun movemento que xurdiu “de forma moi natural”, cuxo detonante foi a crise do Covid-19. ZETAK móstrase positivo ante o sufrido pola pandemia, “o que aprendamos dela durará por sempre”. O obxectivo das seis cancións que conforman “ZEID” é que empecemos “a prestar atención a aquelas cousas que verdadeiramente o merecen, e quizais non tanto ás nosas redes sociais, por exemplo”, reflexiona.

O Rabelo

Alça o focinho ao ceo é um projeto artístico que defende o dereito a ser quem somos e a liberdade de pensamento, acçom e decissom. É romper as cadeas que nos atam, abrir as gaiolas e buscar a forma de sobrevivir num mundo incerto, coidando dos teus e de nós mesmes. É um projeto político posicionado a favor da autogestiom, a ajuda mútua, o respecto, o dereito a ser, a favor da diversidade cultural, sexual e identitária, individual e coletiva. É acçom direita contra o fascismo, o colonialismo, o especismo, a gordofóbia, o capacitismo, o sistema capitalista e heterocispatriarcal e as opressoms; porem, encadra-se dentro do sistema e por isso está em constante deconstruçom e processo de aprendizagem.

Alça o focinho ao ceo é um ejercício de expressom das emoçoms contidas, um grunhido, um baile, umha risa, umha bágoa. É terapia social para curar as dores e berrar a raiva porque há vozes silenciadas. Eu alço o focinho ao ceo pola natureça, polos cams que vivem em gaiolas, polas presas, polas crianças ás que se considera pessoas de segunda clase, a gente velha esquecida, polas discas, polas putas. Por vivir nas margens do sistema, pola invisibilidade, pola sobre exposiçom. Alço-o pola impoténcia de vivir num mundo cheo de dor e injustiça. Por sentir-nos fortes, por tecer redes de apoio, pola alegria de oubear juntes. Alço o focinho ao ceo por mim. Por ladrar em alto. Por gozar do oubeo.

Alça o focinho ao ceo é um projeto artístico desde a invisibilidade. Nas margem contam-se histórias valiosas. Os animais que nom falam com palavras falam coas suas açons e queda muito que aprender. Quando quem menos vale seja importante, quando se tenha em conta a quem menos tem, quando este mundo empece a ser um lugar menos humano e mais animal, poderei calar a boca e volver á tranquilidade do tobo. Mentres, seguirei ladrando.